Sri M. Malakondaiah (Retd), IPS
Ex-DGP of AP
1958 జూలై ఒకటిన జన్మించిన శ్రీ మాలకొండయ్య గారు 1985 బ్యాచ్ ఆంధ్రప్రదేశ్ క్యాడర్ అధికారి. అవినీతి నిరోధక శాఖ డైరెక్టర్ జనరల్ గా పనిచేసిన ఆయన APSRTC వైస్ ఛైర్మన్ మరియు మేనేజింగ్ డైరెక్టర్ గా రాష్ట్రానికి తన విశేష సేవలు అందించారు. తదనంతరం ఆంధ్రప్రదేశ్ ప్రభుత్వం ఆయనకు డీజీపీగా పదోన్నతి కల్పించింది. 31 డిసెంబరు 2017 నుండి 30 జూన్ 2018 వరకు డీజీపీగా ఆయన పని చేసి రిటైర్ అయ్యారు.
Prof. A. Rajendra Prasad
Vice Chancellor, ANU
ప్రొఫెసర్ ఎ. రాజేంద్ర ప్రసాద్ ఆగష్టు 12, 1955లో నెల్లూరులో జన్మించారు. శ్రీ వెంకటేశ్వర యూనివర్సిటీలో B.L చేసిన ఆయన నాగపూర్ యూనివర్సిటీలో కమర్షియల్ లా లో LLM మెరిట్ సర్టిఫికేట్ తీసుకున్నారు. 1996లో ఆయన ఆంధ్రా యూనివర్సిటీ నుండి Ph.D పట్టా అందుకున్నారు. ఆయన ప్రస్తుతం ఆచార్య నాగార్జున యూనివర్సిటీకి ఉప కులపతిగా ఉన్నారు.
Sri. K. Sambasiva Rao, IRTS
MD, APSSDC & CEO, APNRT
శ్రీ కోగంటి సాంబశివరావు గారు 15 జూలై 1972న జన్మించారు. ఆయన 1997 బ్యాచ్ IRTS అధికారి. ఆంధ్రప్రదేశ్ రాష్ట్ర ఫైబర్ గ్రిడ్ కార్పోరేషన్ సీఈఓగా, ఆంధ్రప్రదేశ్ నైపుణ్యాభివృద్ది సంస్థ మేనేజింగ్ డైరెక్టర్ గా మరియు ప్రవాసాంధ్రసంఘం సీఈఓగా ఆయన రాష్ట్రానికి ఎన్నో సేవలు అందించారు, అందిస్తున్నారు.
Dr. D. Vizai Bhaskar
Director, Dept of Language and Culture
డాక్టర్ విజయ్ భాస్కర్ గారికి సాహిత్య ప్రియుడిగా నాటక ప్రియుడిగా మంచి పేరు ఉంది. ఆయన ప్రస్తుతం విజయవాడలోని ఆంధ్రప్రదేశ్ రాష్ట్ర భాషా మరియు సాంస్కృతిక శాఖకు డైరెక్టర్ గా ఉన్నారు.
Dr. Ravi Vemuri
President, APNRT
డాక్టర్ రవి వేమూరి APNRT Corp కి అధ్యక్షునిగా వ్యవహరిస్తున్నారు. ఆయన వైద్య విద్యాభ్యాసం కర్నూల్ మెడికల్ కాలేజీలో మొదలైంది. తరువాత అమెరికా వెళ్ళిన ఆయన గత ఇరవై సంవత్సరాలుగా అక్కడే వైద్యుడిగా సేవలు అందిస్తున్నారు. విషజ్వరాలకు వైద్యం చేయడంలో ఆయన పేరెన్నికగన్నారు. అయోవా రాష్ట్రంలోని డెస్ మొనిస్ మెడికల్ సెంటర్లో నలుగురు విషజ్వరాల నిపుణుల్లో ఆయన ఒకరు.
Sri Vasireddy Vidya Sagar
Chairman, Social Educational Trust
శ్రీ వాసిరెడ్డి విద్యాసాగర్ ఎలక్ట్రికల్ ఇంజనీరింగ్ పట్టభద్రులు. విద్యార్ధులకు నాణ్యమైన సాంకేతిక విద్యను అందించాలనే లక్ష్యంతో 2007లో వివిఐటి ఇంజనీరింగ్ కళాశాలను స్థాపించి అనతికాలంలోనే అగ్రస్థానంలో నిలబెట్టారు. ప్రపంచ స్థాయి రాజధానికి ఒక ప్రపంచ స్థాయి పాఠశాల ఉండాలనే లక్ష్యంతో వివా స్కూల్ ను స్థాపించి భావిభారత పౌరులను తీర్చిదిద్దుతున్నారు. విద్యతో పాటు విద్యార్ధుల్లో సర్వతోముఖాభివృద్ధి ఉండాలని గుర్తెరిగి గత సంవత్సరం నుండి బాలోత్సవ్ కి కన్వీనర్ గా ఉంది నిర్వహిస్తున్నారు.
